Á námskeiðinu er fjallað um hönnun úðakerfa, staðla, lög og reglugerðir. Farið í uppsetningu úðakerfa, m.a. stálrör og plaströr. Fjallað um eftirlit, þjónustu og viðhald kerfanna. Námskeiðið er réttindanámskeið ætlað pípulagningamönnum með full meistararéttindi og er haldið í samvinnu við Brunamálastofnun sem gefur út leyfi til þeirra sem ljúka prófi með fullnægjandi árangri.
Leiðbeinendur: Ásvaldur Eiríksson, Egill Ásgrímsson og Guðmundur Gunnarsson

Eins og nafnið bendir til fjallar námskeiðið um viðgerðir og viðhald húsa. Í byrjun námskeiðs er farið yfir byggingarstarfsemina og kröfur til hennar. Síðan er rætt um varmaeinangrun, varmamótstöðu og kólnunartölur byggingarhluta. Þá tekur við umfjöllun um útveggi, tæringu og tæringarvarnir auk rakavarnarlaga bæði fræðilega og með deililausnum. Hljóðvist er tekin fyrir og skýrð. Fjallað um gler og glerjun, þök og þakuppbyggingu m.t.t. viðhalds og viðgerða. Loks er fjallað um yfirborðsmeðhöndlun úti. Á námskeiðinu eru auk þess leyst verkefni úr efninu og farið yfir úrlausnir þeirra.

Í apríl 2007 hleypti Orkuveita Reykjavíkur í samstarfi við Sjóvá Forvarnarhús, Landspítala Háskólasjúkrahús og byggingafulltrúann í Reykjavík af stokkunum átakinu „Stillum hitann hóflega". Markmiðið með átakinu var að fækka brunaslysum af völdum heits neysluvatns og höfða til almennings og fagaðila um hitastýringu á heitu neysluvatni.

Á námskeiðinu var fjallað um mismunandi hitakerfi þ.e. ofnakerfi, blásarakerfi, geislakerfi og gólfhitunarkerfi. Farið var í val á ofnum og ofnlokum til stýringa ofnakerfa. Fjallað var um varmatap, flutning varma með geislum, leiðni og lofthreyfingu, um uppsetningu tækja og lagna í tækjaklefa. Farið var í val á þrýstijafnara og p-band og kv-gildi kynnt.

Námskeið fyrir mannvirkjahönnuði verður haldið dagana 4., 5., 11., 12., 18. og 19. apríl nk.  Umsóknum skal skila til IÐUNNAR fræðsluseturs á sérstöku eyðublaði.

Upplýsingar gefur Birgir Hólm í síma 590 6434.