Símenntun

Símenntun felur í sér viðhorf til menntunar, þar sem einstaklingar miða ekki lengur við að ljúka námi í eitt skipti fyrir öll heldur gera ráð fyrir því að menntun sé ferli sem vari allt lífið – frá vöggu til grafar.  Símenntun vísar öðru fremur til þessa nýja veruleika og breytir fyrri skilningi okkar á mikilvægi menntunar og felur í sér nýjar leiðir til stöðugrar endurnýjunar fyrri þekkingar og öflun nýrrar.